Musharaxiinta Golaha Deegaanka iyo Wakiilada ee Gobolka Maroodijeex iyo degmada Sallaxley ee (Ardaayada Abokor Muuse) oo si rasmi ah loo shaaciyay

Xisbul Xaakimka Taladda Somaliland haya ee Kulmiye, ayaa Xaflad Shaacina Caasimadda Hargeysa ugu qabtay 6 Murashax oo 4 Degmadda Sallaxley ka sharaxan yihiin halka 2da kalena ay Caasimadda Hargeysa golaha wakiiladda iyo deegaanka uga sharaxan yihiin doorashadda soo socota.

Shaacinta musharaxiinta waxaa ka soo qayb galay Wasiir waxbarashada iyo Sayniska, Wasiirka horumarinta Biyaha, Wasiir ku xigeenka arrimaha gudaha, Af-hayeenka Xisbiga Kulmiye, Guddoomiyaha gobolka Maroodijeex ee Kulmiye, Xoghayaha guud ee Xisbiga, Af-hayeenka Madaxweynaha Xildhibaano katirsan Wakiilada iyo Salaadiin Madax dhaqameed, Aqoonyahan, Dhalinyaro. Iyo Haween.

Madaxdii iyo Haldoorkii ka hadlay shaacinta 6 daas musharax u duceeyay xildhibaanada iyagoo ku bogaadiyay inay iska soo sharaxaan Xisbul Xaakimka Kulmiye waxayna balan qaadeen inay taageeri doonaan codkoodana siin doonaan musharaxiinta.