Shirkadda DP World ee laga leeyahay dalka Imaaraatka Carabta ayaa dib u casriyeyn ku wadda dekedda Berbera ee xeebaha Somaliland oo ay muddo 30 sanno oo heshiis ah kula wareegtay.
Supachai Wattanaveerachai. , Madaxa DP World ee gobolka Geeska Afrika, ayaa fDi uga warramay horumarinta Dekedda Berbera iyo dib u casriyeynta ay ku wadaan.
“Dekadda Berbera waxay ku habboon tahay inay u adeegto Somaliland iyo Geeska Afrika, gaar ahaan Itoobiya oo ah dal aan bad lahayn oo ay ku nool yihiin ku dhawaad 120 milyan oo qof. Dowladda Itoobiya ayaa hamigeeda ku aadan in ay kala beddesho dekedaha ay adeegsato, maadaama ay hadda inta badan ku tiirsan yihiin dekedda Jabuuti, oo ku taal waqooyi-bari dalka ay deriska yihiin ee Jabuuti.”
Supachai Wattanaveerachai waxa uu intaas ku daray “Horumarinta heshiiska gaadiidka ayaa ku socda jihada saxda ah. Si kastaba ha ahaatee, waxaanu hore u maamulnay shixnadaha bini’aadantinimo ee Itoobiya iyo sidoo kale dhammaan shixnadaha dhoofiso Itoobiya ee aanu dhoofin karno. Sidoo kale, aagga dhaqaalaha Berbera waxa uu qayb ka qaadan doonaa mugga dekedda iyo gaadiidka iyo shixnadaha Yemen, iyo maamul-goboleedyada Soomaaliya ee Puntland iyo Koonfurta Soomaaliya.”
